18 APR.Ali Kiba atunukiwa vifaa vya muziki!

Siku chache baada ya Producer ‘Man Water’ kuahidi kutoa zawadi kwa wasanii waliofanya kazi na studio yake na track zao kufanya vizuri, tayari amekwishatimiza ahadi yake.



Man Water juzi alimkabizi msanii Ali Kiba, Gitaa na Vinanda viwili vyenye thamani ya sh mil 1.5 kama zawadi aliyoahidi kutokana na wimbo wa msanii huyo Dushelele kufanya vyema.



Akiongea wakati akikabidhi zawadi hiyo Man water alisema vifaa hivyo kwa msanii huyo ni kama kutoa motisha kwa kila msanii anayerekodi kwake katika studio ya ‘Combination Sound’.



Alikiba mwenyewe alisema kuwa kwa kupewa vifaa hivyo kumtamfanya aongeze bidii katika utoaji wa kazi nzuri zinazoendana ubora wa kimataifa.



Hata hivyo alisema kuwa vifaa hivyo vinaweza kumsaidia katika kazi zake za muziki kwani amekuwa akivihitaji kwa muda mrefu.



“Namshukuru sana Man Water kwa kuona ubora wa kazi yangu, hivyo hata mimi kwa upande wangu namwambia kwamba nitaendelea kuwa naye karibu katika kukuza muziki wetu,” alisema.