26 FEB.Msumbiji watua, Barnabas aongezwa

Timu ya taifa ya Msumbiji (Mambaz) wamewasili hii leo teyari kwa mchezo wa kwanza wa kusaka tiketi ya kwenda South Africa mapema mwakani kwa ajili ya kombe la mataifa ya Africa, dhidi ya Tanzania 'Taifa Stars'.

Siku ya jumanne february 28 kutakuwa na mkutano na waandishi wa habari saa 5 asubuhi, kabla ya timu hizo kukabiliana jumatano ya february 29 katika uwanja wa Taifa jijini Dar es salaam.


Katika kuelekea mpambano huo mchezaji wa Tanzania alieachwa na klabu yake ya Philadephia Union Nizar Khalfan ametua nchini jana usiku na kujiunga na wenzake kwenye kambi ya timu ya Taifa.

Pamoja na kutua kwa Nizar Khalfan ambapo kumepelekea kikosi kukamilika, Kocha Jan Poulsein amemuongeza katika kikosi chake mshambuliaji wa Mtibwa Sugar aliyewahi kutamba na Kagera Sugar, Yanga na African Lyon Vicent Barnabas katika kikosi cha Stars.