MAKUBWA HAYA JAMANI: ALIEDAIWA KUFA AONEKENA USIKU AKIWA MZIMA

MAMIA ya wananchi jana wamefurika katika kitongoji cha Mabulugu, kijiji cha Lamadi wilayani Busega, mkoani Simiyu, kwa ajili ya kushuhudia tukio la ajabu la mwanamke mmoja anayedaiwa kufariki dunia na mwIli wake kuhifadhiwa hospitalini, lakini baadaye akaonekana usiku akiwa mzima na kuingia ndani ya nyumba yake.

Aidha, umati mkubwa watu pia umefurika kwenye hospitali ya Mkula, kwa ajili ya kushuhudia mwili unaodaiwa kuwa wa mwanamke huyo, aliyetambuliwa kwa jina la Ngulima Kilinga (30), uliokuwa umehifadhiwa hospitalini hapo.

Wakisimulia tukio hilo ndugu wa mwanamke huyo wakiwemo mume wake Bw. Ngitu Masisanga, pamoja na mama yake mzazi Mwashi Myeya, wamesema kuwa ndugu yao aliugua ghafula juzi baada ya kukwama na mfupa wa samaki wakati akila chakula nyumbani kwake.

Wamsema kuwa baadaye alipata homa na kumpeleka katika hospitali ya Mkula, inayomilikiwa na kanisa la AIC, kwa ajili ya matibabu, lakini muda mfupi alipoteza maisha.

Wamesema cha kushangaza wakati wamelala ndani ya nyumba yake na waombolezaji wengine, huku maiti ikiwa hospitalini ghafula majira ya saa 7:00 usiku, ndugu yao alitokea akiwa uchi wa mnyama na akiwa mzima na kuanza kuita watoto wake na kisha akavaa nguo zake na kulala kitandani.

Mashuhuda wa tukio hilo wamesema kuwa wakati akiwa ndani ya nyumba hiyo alivaa nguo zake na kuanza kuanga picha zake kwenye albamu, na kasha alichukuwa tochi iliyokuwa inawaka na kuizima, hali iliyowafanya watu waliokuwa ndani ya nyumba hiyo kutahamaki na kukimbilia nje huku yeye wakimfungia ndani hadi jana asubuhi.

Mama mzazi wa mwanamke huyo amesema kuwa huyo ndiye mtoto wake kwani amebahatika kuona alama kwenye uso wake aliyokuwa nayo kuanzia utotoni.

Muuguzi mkuu wa hospitali ya Mkula Bi. Cymthia Mugussi, anaelezea jinsi walivyompokea mgonjwa huyo na kwamba alikuwa na upungufu wa damu.

Hata hvyo wananchi wakiwemo wana nzengo wa eneo hilo waliendea maiti na kuileta kijijini hapo, ambapo ilikuwa tayari imebadilika sana kwa kuvimba tumbo kama mtu mwenye mimba na usoni kuonekana kama mzee tofauti na awali marehemu alipokufa na kuhifadhiwa hospitalini hapo.

Baadhi ya mashuhuda wa tukio hilo wanaeleza akiwemo mwenyekiti wa wanazengo pamoja na mwenyekiti wa kitongoji hicho, Bw. Amos Mapema, ambapo wamesema kuwa tukio hilo la watu kufa ni la tatu kwa siku za hivi karibuni katika kitongoji hicho.

Aidha, kutokana na hali hiyo wananchi waliazimia kuwa sasa wanawake ndio wawe wanachimba kabuli wakiwatuhumu kuwa wao ndio wachawi, ambapo kutokana na tukio hilo la jana walipiga kura za siri na kumbaini mwanamke mmoja kuwa ndiye aliyeua mwanamke huyo.

Mwanamke huyo mwenye umri wa miaka 41 alinusurika kipigo baada ya mvua kubwa kunyesha hali iliyowafanya wananchi kukimbia na kumuacha na maiti hiyo eneo la tukio, ambapo polisi alipata nafasi ya kumtorosha na kumpeleka katika kituo cha polisi Lamadi, ambako sasa amehifadhiwa.

Akiwa kaituoni hapo Star Tv inamhoji mtuhumiwa huyo lakini anasema kuwa mesingiziwa kwa sababu ya fitina ya watu kijijini hapo.

Diwani wakata ya Lamadi amesema kuwa hadi jana saa 4:30 a,subuhi maiti ya mwanamke huyo ilikuwa haijazikwa na kwamba polisi wameenda eneo la tukio, ili kuwaambia wananchi waizike katika eneo la serikali na kuongeza kuwa pia mwanamke huyo bado amefungiwa ndani ya nyumba hiyo akifanyiwa dawa za kienyeji ili arudie hali yake.

CHANZO STAR TV