Mexime achimba mkwara kwa Yanga

KOCHA Mkuu wa timu ya Mtibwa Sugar, Mecky Mexime amesema amegundua udhaifu wa vijana wake na sasa anaufanyia kazi kabla ya kuivaa Yanga kesho Jumatano.

Juzi Mtibwa Sugar ilitoka 0-0 na Polisi Morogoro katika mchezo wa fungua dimba la Ligi Kuu Tanzania uliofanyika Uwanja wa Jamhuri mjini hapa.

Mexime alisema mara nyingi timu yake inapokutana na Polisi Morogoro mchezo unakuwa mkali na lolote linaweza kutokea, hivyo kwa matokeo ya sare si mabaya kwao.

“Polisi Morogoro ni wapinzani wetu wakubwa tofauti na timu nyingine, tunapokutana kila timu inakuwa makini kuhakikisha inashinda ama kutopoteza mchezo na ndivyo matokeo ya leo (juzi),” alisema kocha huyo.

Alisisitiza kuwa vijana wake hawakuwa na bahati ya kufunga mabao baada ya kupata nafasi nyingi za kufunga na kasoro hizo ndizo atakazozifanyia kazi kabla ya kuivaa Yanga Jumatano wiki hii Uwanja wa Jamhuri mjini hapa.