04 MARCH.SIMBA VS KIYOVU LEO UWANJA WA TAIFA

SIMBA leo itakuwa mwenyeji wa Kiyovu ya Rwanda kwenye Uwanja wa Taifa Dar es Salaam
katika mechi ya michuano ya Kombe la Shirikisho.

Mechi hiyo ya awali, ni muhimu kwa Simba kwani ushindi wowote utaifanya isonge mbele kwenye michuano hiyo.

Katika mechi ya kwanza iliyofanyika Kigali wiki mbili zilizopita, matokeo yalikuwa sare ya bao 1-1.

Kwa mujibu wa uongozi wa Simba, mechi hiyo imepangwa kuanza saa tisa alasiri ili kuwapa
wenyeji faida ya hali ya hewa.

Hali ya hewa ya Dar es Salaam ni jua kali na joto tofauti na ile ya Kigali ambapo muda wote huwa ya mawingu na mvua za hapa na pale.

Simba imepiga kambi Bamba Beach ikijifua na mechi hiyo na kocha wake Milovan Cirkovic, amesema kikosi chake kiko tayari kwa ushindi leo.

"Kikosi changu kiko katika hali nzuri na wachezaji kila mmoja ana ari ya ushindi na wameniahidi wataibuka na ushindi," alisema kocha huyo.

"Ninachoomba ni sapoti ya Watanzania wajue kuwa tunaiwakilisha nchi na ushindi wetu
pia unategemea sapoti yao uwanjani," alisema.

Kwa upande wa Kiyovu iliyowasili juzi, kocha wake Baptist Kayiranga alisema ataiondoa Simba mashindanoni.