Mshambuliaji wa Azam FC na timu ya taifa ya Tanzania 'Taifa Stars' Mrisho Khalfan Ngassa ataendelea kuonekana katika ligi kuu ya Vodacom, baada ya Seatle Sounders kushindwa kumsajili.
Katibu wa Azam FC Idrissa Nasor amesema kuwa deal ya Ngassa ya kwenda Marekani imeota mbawa na hivyo ataendelea kuitumikia klabu hiyo mpaka atakapo pata timu nyingine kwa ajili ya majaribio ama kumsajili moja kwa moja.
Katikati ya mwaka jana Mrisho Ngassa alienda Marekani kwa ajili ya majaribio katika timu ya Seatle Sounders inayoshiriki ligi kuu ya Marekani 'MLS' na kuambiwa angoje mpaka mwishoni mwa January mwaka huu, huku kukiwa na taarifa yakufanya vyema katika majaribio yake.
Hayo yalikuwa majaribio yake ya pili ya kusaka nafasi ya kucheza soka la kulipwa, baada ya kushindwa katika majaribio ya West Hamm iliyokuwa chini ya kocha Zola wakati huo.
No comments:
Post a Comment