25 FEB. Abd-Rabbu Hadi ala kiapo kuwa Rais mpya wa Yemen

Abd-Rabbu Mansour Hadi amekula kiapo kuchukua wadhifa wa Urais wa Yemen, na kurithi rasmi nafasi ya Ali Abdullah Saleh ambaye aliondoka madarakani kufuatia shinikizo la maandamano ya karibu mwaka mzima. Matokeo kamili ya uchaguzi uliofanyika mapema wiki hii yanaonyesha kuwa Abd-Rabbu Hadi amepata ushindi wa asilimia 99 ya kura zote zilizopigwa. Alikuwa mgombea pekee katika uchaguzi huo ulioitikiwa kwa kiwango cha asilimia 65. Rais mpya wa Yemen ataongoza kipindi cha mpito cha miaka miwili, ambacho kitafuatiwa na uchaguzi utakaohusisha wagombea wengi. Wakati huo huo, mtangulizi wake Ali Abdullah Saleh amerejea nchini Yemen kutoka Marekani alikokuwa amekwenda kupata matibabu. Saleh mwenye umri wa miaka 69, aliitawala Yemen kwa miaka 32, kabla ya kuondolewa na shinikizo la maandamano ndani ya nchi na mbinyo kutoka jamii ya kimataifa.