MLEWA LODGE KIWANJA MATATA SANA NDANI YA KILOSA.KARIBUNI SANA

MLEWA LODGE NDANI YA KILOSA

MANCHESTER CITY KUICHUKULIA HATUA ZA KISHERIA ARSENAL

Arsenal na Manchester City zilifikia makubaliano ya kuuziana Alexis Sanchez kwa kitita cha paundi milioni 60 lakini Wenger aligeuza kibao baadaye

Manchester City inataka kuichukulia Arsenal hatua za kisheria baada ya kuzuia uhamisho wa Alexis Sanchez siku ya kufungwa dirisha la usajili wa majira ya joto.

Miamba hao wa Manchester inaaminika walifikia makubaliano ya paundi milioni 60 na Arsenal kwa ajili ya mchezaji huyo wa kimataifa wa Chile mapema Alhamisi asubuhi, lakini hakuna kilichofanyika.

Arsenal waliamua kubatilisha makubaliano hayo baadaye siku hiyo baada ya kumkosa Thomas Lemar, ambaye aliamua kubaki Monaco kwa msimu mwingine.

Kwa mujibu wa chanzo cha Chile El Murcurio, sakata hilo la uhamisho halijaisha bado kwani City wanataka maelezo ya kina ni kwa nini waligeuziwa kibao na wanataka kwenda mbele zaidi.

Habari nyingine tofauti imedai kuwa Sanchez hajafurahia tabia ya Arsenal kipindi chote cha majira ya joto na yupo tayari kufanya mgomo, ingawa Arsene Wenger alitia maji madai hayo akisisitiza Ijumaa kwamba mchezaji huyo bado ana mapenzi na klabu kwa asilimia mia moja.

“Magoli mawili niliyowafunga Botswana yatanisaidia Morocco” – Msuva

Simon Msuva amesema magoli mawili aliyofunga kwenye mechi dhidi ya Botswana yatamsaidia kujiamini katika klabu yake ya Difaa El Jadid pindi atakaporejea Morocco.

Msuva amecheza katika kiwango cha juu dhidi ya Botswana na kufanikiwa kutumia vizuri nafasi alizozipatakupachika mabao yaliyoipa Stars ushindi wa magoli 2-0 kwenye uwanja wa nyumbani.

“Magoli mawili niliyofunga kwenye timu ya taifa yataniongezea kujiamini na kwenda kufanya vizuri kwenye klabu yangu lakini nitaendelea kuaminika kwenye timu kwa sababu unapocheza kwenye timu ya taifa na kufunga wanaona huyu mchezaji anaweza kutusaidia,” Simon Msuva.

SIMBA YAIOGOPA AZAM FC,YAOMBA GAME YAO KUSOGEZWA MBELE KISA OKWI

SHIRIKISHO la Soka Tanzania (TFF) leo linatarajiwa kutoa ratiba mpya ya Ligi Kuu ya Vodacom Tanzania Bara iliyofanyiwa marekebisho na ndani yake mchezo kati ya Azam FC na Simba SC uliokuwa ufanyike Septemba 6 umesogezwa mbele hadi Septemba 9.

Na hatua hiyo inafuatia maombi ya klabu ya Simba kutaka mchezo huo usogezwe mbele kwa kuwa wachezaji wake wawili tegemeo, beki Juuko Murshid na mshambuliaji Emmanuel Okwi hawatakuwepo.Wawili hao wapo na timu yao ya taifa, Uganda ambayo inajiandaa kwa mchezo wa Kundi E kufuzu Kombe la Dunia mwakani Urusi dhidi ya wenyeji, Misri Septemba 5. Mchezo wa kwanza baina ya timu hizo, Agosti 31 Uganda walishinda 1-0 mjini Kampala.

Hata Uganda wakiondoka Cairo siku moja tu baada ya mchezo hakuna namna Juuko na Okwi wanaweza kuwahi mechi na Azam jioni ya Septemba 6, hivyo TFF imeusogeza mbele mchezo huo hadi Septemba 9.
Na TFF imeiagiza Bodi ya Ligi kuhakikisha haipangi mechi wakati wa ratiba za michezo ya kimataifa, kuepuka mambo kama ambayo yanasababisha mechi ya Azam na Simba kusogezwa mbele.Nicholas Gyan ataondoka kurejea klabu yake, Ebusua Dwarfs ya kwao, Ghana ili kukamilisha taratibu za uhamisho wake.
Akizungumza na Bin Zubeiry Sports – Online leo, Hans Poppe amesema 

kwamba, Gyan alilazimika kuja kushiriki tamasha la Simba Day ambalo ni maalum kwa utambulisho wa wachezaji wapya, lakini leo anarejea Ghana.
Hans Poppe amesema kwamba Gyan anamaliza mkataba wake Agosti 20, mwaka huu Ebusua Dwarfs na baada ya hapo atarejea nchini – maana yake anaweza kuiwahi mechi ya Ngao ya Jamii dhidi ya mahasimu, Yanga Agosti 23, mwaka huu.

Wakati huo huo: Mshambuliaji mpya, Nicholas Gyan amerejea jana asubuhi Dar es Salaam tayari kuanza rasmi maisha mapya katika klabu yake mpya aliyojiunga nayo mwezi uliopita kutoka Ebusua Dwarfs ya kwao, Ghana.
Gyan aliondoka nchini Agosti 9 baada ya kutambulishwa Simba SC katika tamasha la Simba Day Uwanja wa Taifa kurejea Ghana kukamilisha taratibu za uhamisho wake na baada ya kufanikisha hilo, tayari yupo nchini.
Wachezaji wengine wa kigeni Simba SC kiungo Mghana, James Kotei, beki Mzimbabwe na Nahodha Method Mwanjali, kiungo Mnyarwanda, Haruna Niyonzima na mshambuliji Mrundi, Laudit Mavugo.

Serena Williams ajifungua mtoto wa kike

Bingwa wa tennis kwa upande bi Serena Williams amejifungua mtoto wa kike katika hospitali moja ya mjini Florida Marekani.

Japo mwenyewe na jamaa zake hawajatoa tangazo rasmi tayari kuna ujumbe wa kumpa hongera katika ukurasa rasmi wa Twitter akaunti ya US Open Tennis kutoka kwa kocha wake miongoni mwa wengine .

Itakumbukwa mwanamama huyo aliweka rekodi ya kushinda kinyanganyiro cha Australian Grand Slam kwa mara ya 23 mwaka huu January, japo alishindana akiwa mja mzito.

Serena alikiri kwamba alifichua kuhusu mimba yake kwa ulimwengu kimkosa mnamo mwezi Aprili baada ya kupakia picha katika Intagram kimakosa katika mtandao wa Snapchat.

Alishinda taji la Australian Open mnamo mwezi Januari akiwa mjamzito na katika taarifa yake katika jarida la Vogue mwezi uliopita alisema kuwa anataka kutetea taji hilo.

Barcelona: Liverpool ilihitaji £183m kumuuza Coutinho

Barcelona imesema kuwa liverpool iliitisha £183m kwa uhamisho wa nyota wake Phillipe Countinho katika siku ya mwisho ya kukamilika kwa dirisha la uhamisho siku ya Ijumaa.

Liverpool wamekataa maombi matatu kutoka kwa mabingwa hao wa Uhispania kwa mchezaji huyo mwenye umri wa miaka 25 ambaye alikuwa ameomba uhamisho.

''Liverpool ilikuwa inataka Yuro milioni 200 na kwa kweli hatungeweza kukubali hilo'', alisema mkurugenzi wa Barcelona Albert Soler.

Tunamshukuru mchezaji huyo kwa juhudi alizofanya , kwa sababu alijaribu sana na kutuonyesha kuwa alitaka kuichezea Barcelona.

Soler ambaye alikuwa akizungumza katika mkutano na wanahabari siku ya Jumamosi aliongezea: Hali ilimalizika ilivyomalizika na hakuna chengine tunachoweza kufanya.

Barcelona ilimtaka Coutinho baada ya kumuuza Neymar kwa PSG kwa kitita kilichovunja rekodi ya uhamisho cha £200m.

Liverpool imesema kuwa Coutinho hauzwi na kukataa maombi ya £72m, £90m na jingine la £114m kabla ya kukamilika kwa dirisha la uhamisho nchini Uhispania ambalo lilifungwa siku moja baada ya lile la Uingereza kufungwa.

Coutinho aliyefunga mabao 14 msimu uliopita na kuhudumia miezi sita akiwa na jeraha la kifundo cha mguu aliweka kandarasi mpya ya miaka katika uwanja wa Anfield mnamo mwezi Januari.

Rooney akamatwa kwa kuendesha gari akiwa amelewa

Mshambuliaji wa Everton Wayne Rooney amekamatwa na baadae kuachiliwa kwa kosa la kuendesha gari akiwa amelewa, polisi mjini Cheshire imesema.

Rooney alikamatwa baada ya polisi kusimamisha gari aina ya Volkswagen Beetle ambayo alikuwa anaendesha.

Polisi wa Cheshire wanasema Rooney mwenye miaka 31, ana mashtaka ya kujibu kwa kukutwa akiendesha gari akiwa amelewa na akiwa pia kwenye mwendo mkali.

Nahodha huyo wa zamani wa England na Manchester United ameachiliwa, lakini kesi yake itasikilizwa baadae mwezi huu.

Rooney ambaye amestaafu soka la kimataifa mwezi uliopita, ndiye anashikilia rekodi ya ufungaji mabao muda wote kwenye timu ya taifa akiwa na magoli 53.

Alijiunga tena na klabu yake ya utotoni Everton, miaka 13 baada ya kuondoka Merseyside kwenda Manchester United.

MANCHESTER UNITED KULIAMSHA DUDE TENA DHIDI YA LEICESTER CITY LEO JUMAMOSI?

Manchester United watakuwa wenyeji wa Leicester City Leo Jumamosi baada ya kushinda 4-0 mara mbili mfululizo kwenye mechi za mwanzo Ligi ya Uingereza.

Foxes watasafiri mpaka Old Trafford baada ya kuanza msimu kwa mwendo wa wastani, lakini litakuwa jaribio gumu kwa Leicester kupata matokeo mbele ya vinara wa ligi.

Mechi ya Jumamosi itakuwa ni 125 baina ya pande hizo mbili, United wakiwa wameshinda 63 ikilinganishwa na mechi 33 walizoshinda Leicester City

Azam FC full mzuka kuikabili Ndanda leo

WAKATI kikiendelea na mazoezi ya mwisho kabla ya kuuanza msimu mpya kwa kukabiliana na Ndanda, kikosi cha Mabingwa wa Afrika Mashariki na Kati, Azam FC, kipo kamili kabisa kuelekea mchezo huo.

Mchezo huo wa kwanza wa Ligi Kuu ya Vodacom Tanzania Bara (VPL) utafanyika kwenye Uwanja wa Nangwanda Sijaona, Mtwara kesho Jumamosi kuanzia saa 10.00 jioni.

Kikosi hicho tayari kimewasili mkoani Mtwara tokea juzi na jana kilifanya mazoezi ya kwanza mkoani humo, huku leo Ijumaa saa 10.00 jioni kikitarajia kufanya mazoezi ya mwisho kwenye uwanja huo utakaohodhi mtanange huo.

Wachezaji wote wa Azam FC waliokuwemo kwenye msafara wa timu, wako kwenye hali nzuri na morali ya juu tayari kuanza mapambano ya kuwania taji la ligi hiyo.

Habari njema kuelekea mchezo huo, ni kikosi hicho kutumia jezi mpya kabisa za msimu huu, ambazo watazizindua rasmi kwenye mtanange huo unaotarajiwa kuwa mkali na wa aina yake kutokana na upinzani wa pande zote mbili.

Katika kujiandaa na msimu huu, Azam FC imecheza jumla ya mechi 10, ikishinda tano, sare tatu na kufungwa miwili huku ikifunga jumla ya mabao 16.

Mabingwa hao wa Ngao ya Jamii na Kombe la Mapinduzi msimu uliopita, ilianza kwa kupiga na mabingwa wa Rwanda, Rayon Sports na kupoteza kwa jumla ya mabao 4-2, kabla ya kutoka suluhu na Mbeya City, ikapoteza kwa kufunga 2-0 na Njombe Mji lakini ikailaza Lipuli ya Iringa mabao 4-0, mechi hizo tatu ikicheza Nyanda za Juu Kusini.

Iliporejea jijini Dar es Salaam, ikailaza KMC bao 1-0, bao pekee likifungwa na Nahodha Msaidizi Aggrey Morris, kwa njia ya mkwaju wa penalti baada ya Wazir Junior kuangushwa ndani ya eneo la hatari.

Baada ya mchezo huo, kikosi hicho kikaenda kumalizia mechi za majaribio nchini Uganda kwa kambi ya siku 10 na kutoka sare mabao 2-2 dhidi ya timu ya Taifa ya Uganda kwa Wachezaji wa Ndani (CHAN), ikatoka sare nyingine ya 1-1 na Mabingwa wa Uganda KCCA kabla ya kuzichapa URA (2-0), Onduparaka (3-0) na Vipers (1-0).

Ingizo jipya

Azam FC inaanza msimu mpya wa ligi ikiwa na baadhi ya sura mpya, ambazo ni za wachezaji vijana wenye vipaji, ambao baadhi yao wametoka kwenye kituo cha kukuza vipaji cha timu hiyo ‘Azam FC Academy’ kama vile mshambuliaji anayekuja vizuri Yahya Zayd, kiungo Bryson Raphael, Swalehe Abdallah (Majimaji), Joseph Kimwaga, kipa Benedict Haule (Mbao FC)

Wachezaji wengine wapya walioongezwa kwenye kikosi hicho ni Mchezaji Bora Chipukizi wa msimu uliopita, Mbaraka Yusuph (Kagera Sugar), mshambuliaji Wazir Junior, beki wa kushoto Hamimu Karim (Toto Africans), Idd Kipagwile (Majimaji) na kipa Mghana Razak Abalora (WAFA FC).

Pamoja na usajili huo, pia safari hii Azam FC imepata kibali cha Uhamisho wa Kimataifa (ITC) cha kumtumia winga wake, Enock Atta Agyei, ambaye alishindwa kutumika msimu uliopita kwenye mechi za mashindano rasmi hapa nchini baada ya kutokuwa na umri wa miaka 18 (aliotimiza Desemba mwaka jana) sambamba na kibali hicho.

Ingizo la wachezaji hao, limeonekana kuimarisha kikosi hicho ambacho kimeonekana kufanya vizuri sana katika mechi zake za mwisho za maandalizi nchini Uganda.

Washambuliaji wake, Yahaya Mohammed, Yahya Zayd na Wazir Junior, wameonekana kufanya vizuri kwenye maandalizi hayo katika eneo la kucheka na nyavu, hali ambayo inaleta matumaini ya kikosi hicho kunufaika na mabao msimu huu kutokana na ukali wa safu yake.

Huku pia washambuliaji wengine Mbaraka Yusuph aliyetoka kwenye majeruhi na Shaaban Idd, anayeendelea na matibabu wakitarajiwa nao kufanya makubwa kwenye eneo hilo pale watakapokaa sawa na kuwa fiti tayari kwa ushindani.

Rekodi zilipokutana Ndanda vs Azam FC (Head to Head)

Kihistoria kwenye mechi za ligi timu hizo zimekuwa na upinzani mkali, ambapo Azam FC imekutana na Ndanda mara saba (sita VPL na mara moja kwenye FA Cup).

Katika mechi hizo Azam FC imeshinda mara nne, mara tatu ikiwa kwenye ligi na mara moja kwenye robo fainali ya Kombe la Shirikisho (Azam Sports Federation Cup) huku Ndanda ikishinda mara mbili na mchezo mmoja ukiisha kwa sare.

Jumla ya mabao 15 yamefungwa kwenye mechi hizo zote (ukiwa ni wastani wa mabao mawili kila mechi), Azam FC ikiwa imefunga tisa, na Ndanda ikifunga sita.

Mara ya mwisho msimu uliopita kwenye mchezo uliofanyika uwanja huo, Azam FC inayodhaminiwa na maji safi ya Uhai Drinking Water yanayokata kiu yako, Benki ya NMB na Tradegents, ilipoteza kwa kufungwa mabao 2-1, lakini ziliporudiana Azam Complex, matajitri hao walishinda 1-0 bao lililofungwa na Yahaya Mohammed kufuatia pande safi la juu la Nahodha Himid Mao ‘Ninja’.

Droo ya Yuropa: Arsenal kukabiliana na Colgne na Red Star Belgrade

Arsenal wameorodheshwa katika kundi moja na BATE Borisov, Cologne na Red Star Belgrade katika michuano ya kombe la ligi ya Yuropa.

Ni mara ya kwanza katia kipindi cha miaka 20 kwa Gunners ambao walimaliza wa tano katika ligi ya Uingereza msimu uliopita kushiriki katika ligi hiyo ya pili ya Ulaya.

Everton pia wako katika ligi hiyo wakiwa katika kundi moja na Lyon ambao wataandaa mechi ya fainali mnamo tarehe 16 mwezi Mei 2018.

Toffees pia watakabiliana na timu ya ligi ya Serie A Atalanta na Apollon Limassol ya Cyprus.

Hivi ndivyo ilivyo:

Group A: Villarreal, Maccabi Tel Aviv, Astana, Slavia Prague.

Group B: Dynamo Kiev, Young Boys, Partizan Belgrade, Skenderbeu.

Group C: Sporting Braga, Ludogorets, Hoffenheim, Istanbul Basaksehir.

Group D: AC Milan, Austria Vienna , Rijeka, AEK Athens.

Group E: Lyon, Everton, Atalanta, Apollon Limassol.

Group F: FC Copenhagen, Lokomotiv Moscow, Sheriff Tiraspol, FC Zlin.

Group G: Vitoria Plzen, Steaua Bucarest, Hapoel Beer-Sheva, FC Lugano.

Group H: Arsenal, BATE Borisov, Cologne, Red Star Belgrade.

Group I: Salzburg, Marseille, Vitoria Guimaraes, Konyaspor.

Group J: Athletic Bilbao, Hertha Berlin, Zorya Luhansk, Ostersund.

Group K: Lazio, Nice, Zulte Waregem, Vitesse Arnhem.

Group L: Zenit St Petersburg, Real Sociedad, Rosenborg, Vardar.

BARCELONA YATANGAZA KUMSAJILI DEMBELE KWA £135.5M

KLABU ya Barcelona imetangaza kukamilisha usajili wa mshambuliaji chipukizi, Ousmane Dembele kutoka Borussia Dortmund kwa dau la Pauni Milioni 96 ambalo linaweza kuongezeka.

Klabu hiyo ya Katalunya imethibitisha habari hizo katika ukurasa wake wa Twitter ikiweka na picha ya Dembele akiwa na jezi ya Barca na katika taarifa nyingine kwenye tovuti yao wamemuita 'mmoja wa wachezaji bora barani'.

Anawasili kuziba pengo lililoachwa na Neymar, aliyehamia PSG mapema mwezi huu kwa dau la rekodi ya dunia, Pauni Milioni 198 na Dembele atakuwa anavaa jezi namba 11 iliyoachwa wazi na Mbrazil huyo aliyeondoka.Dau la Pauni Milioni 96 linamaanisha Dembele atakuwa mchezaji wa pili ghali kihistoria baada ya Neymar na klabu itakayotaka kumnunua mchezaji huyo italazimika kuipa Barca Pauni 368.

Barcelona imesema Dembele atawasili Hispania Jumapili kwa ajili ya kufanyiwa vipimo Jumatatu kabla ya kutambulishwa mapema wiki ijayo.

Mchezaji huyo mwenye umri wa miaka 20 aliibukia Rennes ya Ufaransa, kabla ya kujiunga na timu ya Bundesliga msimu uliopita. 

Dembele amefunga mabao 10 katika mechi 49, na anashika nafasi ya tatu Ulaya kwa kutengeneza nafasi za kufunga, akiwa ameseti mabao 20 katika mashindano yote.

Haijulikani kama baada ya Barcelona kumpata Dembele itaendelea na mpango wa kumsajili kiungo Mbrazil wa Liverpool, Philippe Coutinho baada ya ofa zake nne kukataliwa Anfield au la.

Mchezaji huyo mwenye umri wa miaka 25 kwa sasa anasumbuliwa na maumivu ya mgongo na kuumwa kwake kumekuza tetesi za kuondoka ingawa ameitwa hivyo hivuo katika timu yake ya taifa, Brazil kwa ajili ya mechi zijazo.

Kocha wa Liverpool, Jurgen Klopp amesema leo kuhusu Coutinho kwamba: "Kwa sasa yupo kwenye orodha yetu ya majeruhi, hivyo ndivyo ilivyo na haijabadilika. Sijui. Sijawasiliana na FA ya Brazil kwa sasa, lakini sheria ni kama wanataka kumuona na kumuangalia anapaswa kwenda huko,".

KIWANJA MATATA NDANI YA KILOSA,MLEWA LODGE

BREAKING NEWZ;MKUU WA WILAYA KILOSA,AULA SIMBA,MZEE KILOMONI ASIMAMISHWA UWANACHAMA

Mh. Mkuu wa Wilaya ya Kilosa Alhaj Adam Mgoi amechaguliwa na mkutano mkuu wa Wanachama wa klabu ya Simba kuwa mdhamini wa klabu baada ya kumwondoa Mzee Kilomoni kwenye nafasi ya udhamini, pia klabu ya Simba imemsimamisha mzee Kilomoni uanachama na ataandikiwa barua kwa ajili ya kumpa nafasi ya kujitetea.

Kichuya ataondoka kwa maelewano

Dar es Salaam. Afisa Habari wa Simba,  Haji Manara alisema klabu hiyo haijaafikiana na mawakala wa mchezaji Shiza Kichuya ili kumpeleka kucheza soka la kulipwa nchini Misri.

"Wakija na ofa tunayotaka wala hatuna shida, Simba tuna utamaduni wa kuuza wachezaji,"alisema Haji bila kutaja kiasi ambacho Simba inahitaji.

MCL Digital lilizungumza na Kichuya ambapo alisema yeye ni mchezaji na ataufanyia kazi uamuzi utakaoafikiwa baina ya klabu yake na mawakala na kusisitiza anafurahia maisha kweny kikosi cha Simba.

Klabu ya Etihad ya Misri ndiyo inayotajwa kuwania saini ya Kichuya baada ya kumuona kwenye mashindano ya Cosafa yaliyofanyika nchini Afrika Kusini mwezi uliopita.

Pia,  Manara alisisitiza kuwa beki Juuko Murshid bado mchezaji wa Simba na atakiwa kuripoti Dar es Salaam kabla timu haijaenda Zanzibar.

"Bado ana mkataba na sisi wenzetu walitaka afanye majaribio, lakini sisi tuliona muda unakwenda na tunamhitaji kikosini,"alifafanua Haji.

Morocco yaomba kuandaa kombe la dunia 2026

Shirikisho la soka nchini Morocco limetangaza kuwa linasema uwa litawasilisha ombi la kuandaa kombe la dunia 2026.

Fifa tayari imethibitiha kuwa ilipata ombi hilo la kuandaa mchuano huo kutoka taifa hilo la Afrika kufikia siku ya ijumaa.

Marekani, Canada na Mexico tayari zilikuwa zimetangaza mnamo mwezi Aprili kwamba zinataka kuandaa dimba hilo ka ushirikiano.

Kombe la dunia liliwakuandaliwa na Afrika Kusini 2010 na hii itakuwa mara ya tano kwa Morocco kuwasilisha ombi.

Shirikisho la soka barani Africa Caf iliunga mkono ombi hilo la Morocco mnamo mwezi Julai.

Jumla ya timu 48 badala ya 32 zitashiriki katika kinyanganyoro kilichopanuliwa na kuongezwa idadi ya timu 2026 baada ya mabadiliko kutangazwa mwaka huu.

Uamuzi kuhusu ni nani anayefaa kuandaa dimba hilo utafanywa 2020.

Sera ya Fifa ya kuandaa dimba hilo kwa zamu inamaamisha kwamba Afrika ni mojawapo ya mashirikisho ambayo yanaweza kuandaa fainali za 2026 kwa kuwa Ulaya itaanda mwaka 2018 kupitia Urusi na Asia ikiandaa 2022 kupitia Qatar.

ZIDANE KUBAKI MADRID HADI 2020

Mkufunzi mkuu wa Real Madrid Zinedine Zidane ameafikiana na mabingwa hao wa Ulaya na Uhispania kuhusu mkataba mpya wa miaka mitatu.

Kiungo huyo wa kati wa zamani wa Real, katika katika miezi 18 ambayo amekuwa kwenye usukani, ameshinda Ligi ya Klabu Bingwa Ulaya mara mbili na taji la La Liga mara mbili.

Akiongea mkesha wa mechi ya kwanza ya mkondo wa kwanza ya Super Cup ya Uhispania itakayochezewa Barcelona, alisema: "Hadithi yangu na Real Madrid ni zaidi ya mikataba na saini.

"Nina furaha kubwa kuhusishwa na klabu hii. Lakini mkatana hauna maana yoyote."

Mchezaji huyo wa zamani wa timu ya taifa ya Ufaransa mwenye miaka 45 alikuwa mkufunzi wa Timu B ya Real kabla ya kuchukua nafasi ya Rafael Benitez Januari 2016.

Aliongeza: "Unaweza kutia saini mkataba wa miaka 10, 20. Najua niko wapi na nataka kufanya nini.

"Katika mwaka mmoja, pengine sitakuwa hapa. Mimi na Real Madrid hatutajibizana, daima.."

Real watacheza dhidi ya Barca Jumapili mechi itakayoanza saa 21:00 BST (saa tano usiku Afrika Mashariki). Mechi ya marudiano itachezewa Bernabeu Jumatano saa 22:00 BST (Saa sita Afrika Mashariki).

ATUPELE GREEN AMFAGILIA NGOMA,ASEMA HAKUNA STRAIKA KAMA NGOMA BONGO

Mshambuliaji mpya wa klabu ya Singida United, Atupele Green anaamini kuwa Donald Ngoma ndiye mshambuliaji aliyekamilika katika Ligi Kuu Bra kuliko straika yeyote kwa sasa.

Atupele amejiunga na Singida United akitokea klabu ya JKT Ruvu iliyoshuka daraja msimu uliopita, amemwagia sifa Ngoma kuwa  ni straika mwenye kila kitu tofauti na washambuliaji wengi hapa nchini, ana nguvu, kasi, uwezo mkubwa wa kupiga mashuti kadhalika ni mzurikwenye kucheza mipira ya juu.

Akifanya mahojiano na gazeti la michezo la Mwanaspoti, Atupele amesema katika ushindani huo anawatoa Okwi, Luizio, Ajibu kwa sababu nyota hao si washambuliaji wa kati wengi upenda kutokea pembeni

"Kati ya mastraika wote wa Simba na Yanga, hakuna anayeweza kumzidi Ngoma, yule mtu ana kila kitu. Nacheza nafasi hiyo ya straika, hivyo ninachokizungumza nakimaanisha" alisema hivyo Atupele Green.
Donald Ngoma alijiunga na Yanga misimu miwili iliyopita akitokea klabu ya Fc Platnumz inayoshiriki Lig Kuu ya nchini Zimbabwe, misimu hiyo miwili amefunga zaidi ya magoli 30 katika mashindano yote.

JULIO AKUBALI MATOKEO BAADA YA KUANGUKIA PUA

Kocha Jamhri Kihwelu ‘Julio’ amepigwa chini kwenye uchaguzi wa TFF baada ya kuambulia kura mbili (2) katika kinyang’anyiro cha ujumbe wa kamati ya utendaji ambapo alikuwa anagombea kupitia Kanda ya Dar es Salaam ambayo ilikuwa na jumla ya wagombea 12 huku akitakiwa mjumbe mmoja tu kati yao.

Baada ya kuanguka vibaya, Julio amesema ameridhika na amekubali matokeo ambayo yamepatikana kutoka na uchaguzi uliokuwa wa wazi, haki na Democrasia.

“Nimeridhika na matokeo, waliochaguliwa wamechaguliwa kwa haki, uchaguzi ulikuwa wa wazi na haki. Uchaguzi huu umekwenda vizuri kwa sababu TAKUKURU wamesimama kidete tangu mwazo, namshukuru mkurugenzi wa TAKUKURU na Rais wa Jamhuri ya Muungano wa Tanzania hiyo ndio sera yake ya uwazi na ukweli. Na kama tutaenda hivi itafika hata kwenye ligi timu zinasajilitushindane uwezo sio timu inakuja kupata ushindi mezani au kwakuwa ilitayarishwa lazima ishinde.”

“Waliochaguliwa wasilete urafiki kwamba huyu alinisaidia kwenye uchaguzi, wawaweke watu ambao wanauwezo wa kufanya kazi ili tuendelee. Tumechoka kuwa na nyimbo kila siku AFCON, CHAN, World Cup na tunashindwa kwenda kwa sababu hatuna misi bora.”

“Sisi tulioshindwa ni familia ya mpira, tutakaa na viongozi waliochaguliwa tuwape maoni yetu tuwaeleze kitu gani cha kufanya na nina hakika kabisa watakuwa wasikivu. Mimi kama Julio sio lazima kuchaguliwa kuwa kiongozi lakini kama kuna mtu atafanya kile ambacho na mimi nakihitaji basi sina shaka. “

“Viongozi waliochaguliwa nawaunga mkono kwa 100% na sisemi hivi kwa kuwa nataka ch ochote kwa sababu viongozi wamepatikana kwenye misingi bora naendelea kuwashukuru TAKUKURU kwa kazi waliyoifanya.”

Wallace Karia rais mpya Shirikisho la Mpira wa Miguu Tanzania

Uchaguzi Mkuu wa Shirikisho la soka Tanzania TFF, umekamilika kwa Wallece Karia kuibuka kidedea wa kiti cha Urais baada ya kupata kura 95 (asilimia 74.22) ambazo hazikuweza kufikiwa na wagombea wengine waliokuwa wakiwania nafasi hiyo.

Karia alikuwa Makamu wa Rais kwenye uongozi uliopita ambao ulikwa unaongozwa na Jamali Malinzi, aliye enguliwa kwenye uchaguzi huo kutokana na tuhuma za ubadhirifu wa fedha za TFF, yeye na Katibu Mkuu wa TFF, Selestine Mwesigwa.

Karia ameibuka mshindi katika nafasi ya Rais, baada ya kuwashinda wapinzani wake Ally Mayayi na Shija Richard ambao wote walipata kura tisa Iman Madega aliyepata kura nane, Fredrick Mwakalebela  kura tatu na Emmanuel Kimbe aliyepata kura moja.

Katika nafasi ya Makamu wa Rais  aliyewahi kuwa Katibu Mkuu wa Shirikisho la soka Tanzania FAT sasa TFF, Richard Wambura alishinda nafasi hiyo kwa kupata kura 85 ( asilimia 66.4) na kuwabwaga wapinzani wake Mulami Nghambi aliyepata kura 25,Mtemi Ramadhani kura 14 na Robart Selasela aliyeambulia kura mbili.

Baada ya kuapishwa Rais Mpya wa TFF, Karia alitoa hutuba fupi ambapo aliitaka Kamati yake kuchapa kazi kwa bidii ili kurudisha imani ya Watanzania katika mchezo huo ambao unaongoza kwa kuwa na mashabiki wengi nchini.

Karia alianza kwa kuwashukuru wajumbe kwa kuonyesha imani kubwa kwake hata kumchagua yeye kuwa kiongozi mkuu wa TFF, na kuahidi kuwatumikia kwa nguvu zake zote ili kufika kule ambako wamekusudia.

“Katika ilani yangu nina vitu 11, ambavyo vinaonekana vidogo, lakini siyo hivyo kama wanavyodani nitahakikisha navisimamia kwa umakini ili kurudisha mpira wa Tanzania kwenye levo inayotakiwa,”alisema Karia.

Kiongozi huyo alisema katika uongozi wake atajitahidi kutoa mafunzo mbalimbali ikiwemo na kwa waandishi wa Habari ili waweze kufanya kazi yao kwa umakini na wawee kusaidiana ili mambo yao yaweze kwenda sawa.